Monday, April 27, 2009

எனது நண்பன் பாஸ்கரின் கைவண்ணங்கள்

சாதி ஒழி
கண்மூடித் தனமாக செயல்படுவது
உனக்குப் புதிதல்ல.
ஒரு முறை
கண்மூடித் தனமாக
சாதியை எதிர்த்துப் பார்.

அமைதி
ஏனோ உனைக்
கண்டதும் சொற்கள்
உள்ளிருப்புப் போராட்டம்
நடத்துகின்றன,
சுய நினைவு
வெளிநடப்பு போராட்டம்
நடத்துகின்றது.

பிறப்பு
நீ பறித்தால்
பூ இறப்பதில்லை
பிறக்கிறது.

பூந்தோட்டம்
அழகுக் குறிப்புகளின்
அனிவகுப்புகளாக பூத்திருக்கிறது
என் பூந்தோட்டம்.


நிஜம்
ஓசைகள் அற்று
கனவுப் பள்ளத்தாக்கில்
கரைய மறுத்த ஒலியில்
சப்தமாகின்றன நிஜங்கள்
ஓசைகள் அற்று

பயணம்
சூரியனை நோக்கித்தான்
எனது பயணம்
நிலவில் தங்கியது
நிரந்திரமாக அல்ல
விடைபெறுவதற்குத்தான்.


பிரிவு
நீ அன்று இருந்தாய்...
கவிதை எழுதி
முற்றுப்புள்ளி வைத்தேன்.
நீ இன்று இல்லை...
கவிதையெதுவும் இன்றி
முற்றுப் புள்ளி வைக்கிறேன்,
கோலங்கள் இல்லாத
புள்ளிகளாய் பக்கங்கள்.


மௌனம்
வரம் வாங்குவதற்கான
வார்த்தைகளின்
தியானம்


வாழ்க்கை
வாழ்க்கை கடுமையானது.
ஆனால்
நாம் அதை விடக்கடினமானவர்கள்


தமிழ் கவிதைகள்

தவம்
நடந்து கொண்டே இரு
நதி போல
நான் காத்திருப்பேன்
ஓரிடத்தில்
கடலாக

நட்பு
உன் நட்பை நேசித்தபின்
உன்னைப் பார்க்கும்போது
புன்னகை செய்யும்
என் இதழ்களை விட…
உன்னைக் காணாதபோது
கண்ணீர் சிந்தும்
என் கண்களையே
நேசிக்கிறேன்.

பயணம்
பாதை எதுவெனத் தெரியாதாயினும்
தொடருமென் பயணம்
முடிவிலி நோக்கி....

தேடல்
கிணற்றில் குழந்தை
தவறி விழுந்த
சேதி கேட்டு
ஓடி வந்தார்கள்
காடு கழனிகளுக்கு
சென்றவர்கள்!
பதற்றத்துடன்
பரபரப்புடன்
எல்லாரும் தேடினார்கள்
அவரவர் குழந்தைகளை.

கவனம்
நகரும் தார்ச்சாலை
இருபக்க மரங்கள்
பசுமையான வயல்வெளிகள்
முப்பரிமான மலைகள்
முகத்தில் மோதும் தென்றல்
எதிர்வரிசை இளமை
எதையும் ரசிக்க விடவில்லை
சில்லறை பாக்கி

தோற்ற மயக்கம்
துல்லிய நீர்ப்பரப்பில்
துறவி போல் வந்தமர்ந்து
மெல்லிய தன் உடலை
மேற்பரப்பில் பிரதியாக்கி
தண்ணீரில் தவம் செய்யும்
பார்பதற்கு பரவசம் தான்
மீனுக்குத்தானே தெரியும்
கொக்கின் குருரம்