Thursday, December 10, 2009

குழந்தையும் மரணமும்...

இழக்க முடியாத சொர்க்கமும் நீதான்
இருக்க முடியாத நரகமும் நீதான்
விலக முடியாத சொந்தமும் நீதான்
விளக்க முடியாத பந்தமும் நீதான்
வரவேற்க முடியாத வறட்சியும் நீதான்
விரட்ட முடியாத வசந்தமும் நீதான்
கொடுக்க முடியாத அரியப் பொருளும் நீதான்
கூறவே முடியாத அறியாப் பொருளும் நீதான்
திரட்ட முடியாத பெருஞ் செல்வமும் நீதான்
திரும்ப முடியாத திருப்புமுனையும் நீதான்
தடுக்க முடியாத அட்சயமும் நீதான்
தாங்க முடியாத ஆச்சர்யமும் நீதான்
புரிய முடியாத வனாந்திரமும் நீதான்
புரிந்தும் முடியாத சூத்திரமும் நீதான்
திரிக்க முடியாத உண்மையும் நீதான்
தரிக்க முடியாத பொய்யும் நீதான்
விடிந்தும் முடியாத இரவும் நீதான்
விரதம் முடியாத பகலும் நீதான்
தவழ முடியாத குழந்தையும் நீதான்
தவிர்க்க முடியாத மரணமும் நீதான்...!

No comments: